समाचारस्थानीय

एम सी सी सम्झौता मार्फत अमेरिकाले नेपालको भौतिक सम्पति लैजाने योजना (भिडियो सहित)

धरान,

एम सी सी सम्झौता मार्फत अमेरिकाले नेपालको भौतिक सम्पति लैजाने योजना बनाएको धरानका सामाजिक अभियान्ता हर्क साम्पाङलले आरोप लगाएका छन् । अमेरिकाले एक डलर दिएर हजारौ डलर लिने गरेको अभियान्ता साम्पाङले भानुचोकमा शनिबार बिरोध कार्यक्रममा बोल्दै बताएका हुन् । सम्झौता राष्ट्रघाती भएकाले एम सी सी सम्झौताको विरोध गरेको उनले बताए ।

एम सी सी विरुद्ध उत्रिएका साम्पाङले अमेरिका नेपालमा छिरेर उसको साम्राज्य फैलाउन एमसीसी अभिष्ट रहेको बताए । उनले देश, राष्ट्रियता र सर्वभौम अखण्डताको लागि एम सी सी को विरोध गर्नु परेको बताए । बिरोध सभामा बोल्दै साम्पाङले एम सी सी को धारा २ लाई प्रष्ट पारे । धारा ३ ले एम सी सी परियोजनाको लेखा परिक्षण लगायत सो परियोजनाले गरेको गतिविधि बारे केही पनि खोज्न नपाउने उनले बताए । नेपालमा रहेको युरेनियमको खानीमा अमेरिका लागेको उनले बताए । धारा ५ ले चाहेको वेला जहिले पनि अमेरिकाले नेपालका परियोजनाहरु अलपत्र छाडेर जान सक्ने प्रष्ट पारे । एम सी सी कै १२, ७ (क) १ मा एम सी सी नेपालको कानूनले खारेज नहुने व्यवस्था रहेको उनले सुनाए । सबै नेपालीहरुलाई राष्ट्रघाती एम सी सी विरुद्ध सडकमा उत्रन उनले आव्हान समेत गरे ।

एम सी सी कै विरोधमा सडकमा आउन छाडेर घरमा सुत्नेहरुले भ्रष्ट्रचारी सरकारलाई सहयोग पु¥याएको अर्का अभियान्ता सरोज चौलागाइँले बताए । एम सी सी सत्ताको खेल भएको बताउँदै नेपालको संविधान भन्दा माथिको एम सी सी सम्झौता कुनै हालतमा मान्य नहुने चौलागाईको भनाई छ ।े अहिलेको सरकारले कोरोनाको जोखिम देखाएर सर्वसाधरणलाई घर घरमा थुन्न गरेको लकडाउन अहिले आएर निस्डाउन भएको टिप्पणी गदै सत्ता पक्ष र प्रतिपक्षी दलका नेता शेरवहादुर देउवालाई जेल नहाले देशको विकास नहुने उनले बताए । एम सी सी ले देशमा द्धन्द पैदा गर्ने चौलागाईको भनाई थियो ।

बिरोध कार्यक्रममा बोल्दै स्थानीय रत्नमनि राईले जनताले देश वेच्न मताधिकार प्रयोग गरेर सरकारलाई अधिकार नदिएको बताए । अहिलेकोे सरकारलाई नेपाली जनताले सरकार चलाउन मत दिएको तर उपनिवेश वनाउ नदिएको राईको भनाई छ । पानी झरीको प्रवाह नगरी स्वतःस्फुर्त धरानका देशभक्तहरु भानुचौकमा उत्रिएका थिए । एम सी सी सम्झौता पारित गरे सरकारलाई मुलुकमा बस्ने हैसियत नरहने विरोध सभाका सहभागीहरुको भनाई थियो ।

Related Articles

Leave a Reply

Your email address will not be published. Required fields are marked *

Back to top button
Close