Uncategorizedसमाचारसूचना प्रबिधिहेडलार्इन

मन्त्री कार्कीद्धारा उदयपुरको सुरक्षाबारे ब्रिफिङु

उदयपुर,koshipost.com

उदयपुर । प्रदेश १ का आन्तरिक मामिला तथा कानूनमन्त्री केदार कार्कीले उदयपुरमा रहेका सुरक्षा निकायसङ जिल्लाको सुरक्षाका बारेमा ब्रिफिङ लिनुभएको छ । मङगलबार जिल्ला प्रशासन कार्यालय उदयपुर परिसरमा सुरक्षा निकायका प्रतिनिधिसँग भएको छलफलमा जिल्लाको सुरक्षा अवस्थाका बारेमा छलफल भएको हो ।


छलफलका क्रममा प्रमुख जिल्ला अधिकारी विरेन्द्र कुमार यादवले जिल्लामा सुरक्षाको व्यवस्थापनलाई चुस्त दुरुस्त पारिएको बताउनुभयो । सम्भावित आपराधिक गतिविधिलाई ख्याल गर्दै प्रहरी उच्च सतर्कतामा रहेको यादवले जानकारी दिनुभयो ।
उदयपुरका प्रहरी प्रमुख सुवास चन्द्र बोहराले जिल्लामा प्रहरी भ्यानको आवश्यकता परेको जानकारी गराउनु भयो ।

मन्त्री कार्काीले जिल्लामा सुरक्षा कायम गर्न सरकारले आवश्यक काम गर्ने बताउनुभयो । जिल्लामा रहेका प्रहरी कार्यालयको मर्मत सम्भार, नयाँ भवन निर्माणमा सरकारले आवश्यक बजेट विनियोजन गरेको मन्त्री कार्कीले बताउनु भयो ।

Tags

Related Articles

Leave a Reply

Your email address will not be published.

Back to top button