जीवनीसमाचारहेडलार्इन

सिद्धबाबा (कृष्ण दासलाई) पुर्पक्षका लागि थुनामा राख्न सर्बोच्चको आदेश

काठमाण्डौं,
बलात्कार आरोप लागेका सिद्धबाबा भनिने कृष्णबहादुर गिरी लाई पुर्पक्षका लागि थुनामा राख्न सर्वोच्च अदालतले आदेश दिएको छ । किृष्णबहादुर गिरीलाई सर्वोच्च अदालतले पुर्पक्षका लागि थुनामा राख्न आदेश जारी गरेको हो ।


न्यायाधीश डा आनन्दमोहन भट्टराई र प्रकाशकुमार ढुङ्गानाको संयुक्त इजलासले शुक्रबार जारी गरेको आदेशमा तथ्य र प्रमाणका आधारमा निदोष नदेखिएकाले पुर्पक्षका लागि थुनामा पठाउने आदेश जारी गरेको हो ।


आदेशमा भनिएको छ, मिसिल हेर्दा पीडितको किटानी जाहेरीको अतिरिक्त निजले मौकामा गरेको कागज, वरदात भएको भनिएको समय, त्यसको अघिपछि पीडित प्रतिवादीको आश्रममै रहेको तथ्य, पीडित र प्रतिवादीबीच भएको मोबाइलको मेसेजबाट देखिएको सामिप्यता, अडियो मेसेजको प्रमाणिकता प्राविधिक जाँचबाट पुष्टि भएको अवस्था लगायत तत्काल प्राप्त प्रमाणको आधारमा निज अहिले नै निदोष रहेछन् भन्न सकिएन ।


आफ्नै शिष्यलाई बलात्कार गरेको आरोपमा जिल्ला अदालत सुनसरीले सिद्धबाबालाई २०७६ माघ ९ गते धरौटीमा छाड्न आदेश दिएको थियो । त्यसविरुद्ध जिल्ला सरकारी वकिल कार्यालयले गरेको पुनरावेदनमा उच्च अदालत विराटनगरले थुनामा राख्न आदेश दिएको थियो । उच्च अदालत विराटनगरको आदेश बेरीतको भएको उल्लेख गर्दै सिद्धबाबाले सर्वोच्च अदालतमा निवेदन दिएका थिए । सो निवेदनमाथि सुनुवाई गर्दा निदोष नदेखिएपछि गिरीलाई पुर्पक्षका लागि थुनामा राख्न अदालतले आदेश दिएको हो ।

Tags

Related Articles

Leave a Reply

Your email address will not be published. Required fields are marked *

Back to top button