पर्यटनसमाचारहेडलार्इन

धनकुटाको भेडेटारमा स्काई वाक बनाउन राष्ट्रिय वन क्षेत्र प्रयोग गर्न दिने मन्त्रीपरिषद्ले दियो अनुमति

भेडेटार,koshipost.com
धनकुटा जिल्लाको भेडेटारमा स्काई वाक बनाउन राष्ट्रिय वन क्षेत्र प्रयोग गर्न दिने मन्त्रीपरिषद्ले अनुमति दिने निर्णय गरेको छ । धनकुटा र सुनसरीको सिमानामा पर्ने भेडेटारमा स्काइ वाक बनाउन राष्ट्रिय वन प्रयोग गर्न दिने मन्त्रीपरिषद्ले निर्णय गरेको हो । मंगलबार बसेको नेपाल सरकार मन्त्रीपरिषद्को बैठकले स्काई वाक निर्माणको बाटो खुल्ला गर्ने निर्णय गरेको छ ।

नेपाल सरकारको निर्णय सँगै वन क्षेत्रको कारण अन्योलतामा रहेको परियोजना निर्माण सुचारु हुने भएको छ । नेपाल इन्फ्रास्ट्रक्चर बैङ्क लिमिटेड (निफ्रा) ले ऋण लगानी गर्ने परियोजना वन्डर्स ग्रुपले निर्माण गर्न लागेको हो । काठमण्डौको कमलादी र भेडेटारमा बन्न लागेका दुवै परियोजनाको लागी निफ्राले ६७ करोड ५० लाख ऋण लगानी गर्ने भएको छ ।


वन्डर्स ग्रुरुपले काठमाण्डौका निर्माण गर्ने भनिएको स्काई वाकमा १ अरब लगानी हुने भएको छ । ७८ मिटर उचाइको टावरमा रेस्टुरेन्ट, योगशाला लगायत मनोरम वातावरण अवलोकनको व्यवस्था हुनेछ । सोही ग्रुरुप अन्तरगत वन्डर्स एम्युजमेन्ट पार्क एन्ड अट्राक्सन प्रालीले भेडेटारमा निर्माण अगाडी बढाइएको परियोजनामा २० करोड लगानी हुने अनुमान गरिएको छ । सार्वजनिक निजी साझेदारी अवधारणा अनुरूप निर्माण हुन लागेको सो परियोजनाले प्रदेश १ को पर्यटन प्रवद्र्धनमा महत्त्वपूर्ण भूमिका निर्वाह गर्ने जनकारहरु बताउँछन् ।


नेपालकै पहिलो र नमुना परियोजना भएकोले पर्यटन क्षेत्रमा कोशेढुङ्सा साबित हुने लगानीकर्ता सुनिल भुसालले बताउँछन् । सिसामा हिँडेर मनोरम वातावरणको अवलोकन गर्न पाउनु पर्यटकको लागि नयाँ अवसर भएको उनको भनाई छ ।

Tags

Related Articles

Leave a Reply

Your email address will not be published.

Back to top button