राजनीतिसमाचारहेडलार्इन

ट्राफिक कार्यालयलाई जग्गा व्यवस्थापन गर्न दलहरु जुटे

धरान,koshipost.com
हालसम्म घर भाडामा लिएर धरानमा कार्यालय सञ्चालन गर्दै आएको जिल्ला ट्राफिक कार्यालय सुनसरीले जग्गा अभावमा आफ्नो निजी कार्यालय भवन निर्माण गर्न नसकेको र धरानमा जग्गा उपलब्ध हुन नसक्दा कार्यालय अन्यत्र सर्न सक्ने देखिएकाले धरानमा क्रियाशील राजनीतिक दलहरुले सामुहिक रुपमा जग्गा उपलब्ध गराउन पहल शुरु गरेको छ । नेपाली कांग्रेस, नेकपा एमाले, नेकपा माओवादी केन्द्र, जनता समाजवादी पार्टी र नेकपा एकीकृत समाजवादीले संयुक्तपहल गरेको हो । उनीहरुले यातायात व्यवस्था तथा सञ्चार मन्त्री उपेन्द्र प्रसाद घिमिरे र जिल्ला ट्राफिक कार्यालय, सुनसरीकाप्रहरी निरीक्षक श्याम कुमार बस्नेत संग भेट गरी पहल शुरु गरेका छन् ।


दलहरुको प्रतिनिधि मण्डलले ट्राफिक कार्यालय हाईवेमा हुंदा उत्तम हुने भएकाले धरानको तिनकुने स्थित बनको जग्गा दशकठ्ठा उपलब्ध गराउन मन्त्री घिमिरे समक्ष माग गरेका छन् । मन्त्री घिमिरेले पनि दलहरुको माग प्रति सहमतहुंदै यथाशक्य जिल्ला ट्राफिक कार्यालयको निवेदन, लाङघाली सामुदायिक वनको सहमति र वातावरणीय प्रभाव मूल्यांकन प्रतिवेदन पेश गर्न भनेका छन् । त्यसैगरी जिल्ला ट्राफिक कार्यलयले पनि दलहरुसंगको भेटपछि धरान उपमहानगरपालिकालाई वातावरणीय प्रभाव मूल्यांकनका लागि र लाङघाली सामुदायिकवनलाई सहमतिका लागि पत्राचार गरेको छ । दलहरुले पनि धरान उपमहानगरपालिका, लाङघालाी सामुदायिकवन र ईलाका तथा जिल्ला वन कार्यालयसंग अविलम्व समन्वयगर्ने जनाएका छन् ।

प्रतिनिधि मण्डलमा नेपाली कांग्रेसका क्षेत्रीय सभापति सुजेन्द्र तामाङ,प्रदेश १(१) का सभापति अनिल श्रेष्ठ रनगर सभापति श्याम पोखरेल, नेकपा एमालेका नगर अध्यक्ष हर्कराज एभेङ र नगर उपाध्यक्ष पारस काङमाङ, नेकपा माओवादी केन्द्रका नगर इन्चार्ज चोत्लुङ, जनता समाजवादी पार्टीका नगर अध्यक्ष ताजुव लिम्वु र नेकपा एकीकृत समाजवादी पार्टीका नगर अध्यक्ष रेवतीरमण राई रहेका थिए ।

Tags

Related Articles

Leave a Reply

Your email address will not be published.

Back to top button